按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！
4） 在五线谱上为视觉而作的对位法是无意义的，那只是纸上谈兵。各声部要写得易唱是必要的，但这还不够，还要考虑各声部旋律连结是否富于音乐感。
不注意以上几项的人是没有希望进步的。对位法的学习就是要从这种学院式的修练而获得写音乐的技术。
查理·郭克朗，《对位法》
「想唔到咁夜茶餐厅仲咁多人！」政很大声在贝贝耳边说，不知是因为四周很嘈吵，还是耳膜习惯了练习室内巨大的音量。不是苹果在另一边大动作地招手，一张圆桌空出来了，刚够他们六个人。不是苹果问那伙计十点后还有甚么吃，他说要甚么有甚么，大家就叫了粉面之类和饮品。智美拿筷子在杯碗上乒乒乓乓地敲，其它人就哼起刚才练的歌。阿灰点了烟，喷了一口，说：「喂，仲细咩！好似啲靓仔咁！俾阿妈闹架！」智美故作惊怕地缩回手，说：「阿妈唔敢喇！灰哥对人人都好温柔，就系对我恶。」见阿灰没答话，又说：「灰哥今晚有乜节目？」阿灰说：「关你乜事？」智美伸手过对面拿阿灰的烟包，说：「今晚冇人陪，好闷。」不是苹果就补充说：「呢个人最近又俾人飞咗，日日搵人安慰佢。」阿灰摇摇头，说：「唔系我话你丫傻妹，你真系要带眼识人呀，都唔系第一次架啦！我都话咗个条友信唔过，你硬系要锺个头埋去，蚀晒底都唔知乜事呀！」智美忽然没作声，低头把玩着烟枝和打火机，却没有点上。不是苹果见状就拍着智美的手臂，说：「阿灰唔好咁话佢啦，智美其实系对人太真，完全冇防范心，所以好容易信人，系咪？我就唔同，我有张睇落好真既假面！」阿灰望着不是苹果，歪着嘴笑了笑，政向她瞥了一眼，不是苹果就转了话题：「其实智美头先打得好好，咁耐冇见，我觉得你啲鼓有进步，仲有同刘宝佢地玩吗？」智美没精打彩地说：「冇喇，你知道佢地架啦，自从个阵时唔likey你，就连我都唔多理，后来我都冇乜搵佢地喇。」阿灰插口说：「我一早都讲过，好似你咁，一做嘢就话晒事咁既样，唔容易同人相处。」「我今日都冇啦！」不是苹果争辩说。「你喺我呢个老嘢面前梗系啦。不过，我唔系话你错，你都唔系有意。我既意思系，你主观好强，有啲嘢唔肯就人，但系有时又冇离正经，人地会唔知你几时讲真几时讲假。你认真既时候，人地当你玩玩下，你玩既时候，人地又以为你嚟真既，咁会好伤。」这时轮到不是苹果沉默了。
在桌子另一边，奥古正在向贝贝和政讲述他学尺八的缘由：「系三年前喇，其实系要讲番四年前，有一次好奇心驱使下去听咗个尺八演奏会，呢种演奏会好少有，我原本都唔系太认识尺八系乜嘢，知道就知道既，但系未正式现场听过，嗰晚咁啱去大会堂，见到有个男人企喺门口，话买多咗飞，问我要唔要，我见佢咁惨，咪帮下佢，反正都想试下，点知一试就甩唔到身，真系，冇夸大，直情系想甩都甩唔到身，好似有的咩上咗身咁，直情系着晒迷，演奏会一完咗，就即刻忍唔住走入后台搵嗰个师傅，求佢教我。嗰个日本师傅其实已经好有名，唔容易随便教人，你知啲日本人好讲究呢啲嘢，佢冇即刻应承我，我都知道好难迫人。后来自己就猛咁买啲尺八既碟嚟听，又买咗枝尺八嚟自己吹，咁梗系唔识吹啦，初头真系连一粒声都吹唔出架，唔系讲笑。点知一年后嗰个日本师傅又再过嚟演出，我又去搵佢，仲带埋枝尺八。佢见我咁有诚意，就应承咗我，但系佢一年唔多时间喺呢度，所以除咗自己教我，主要系叫佢喺度既日本人徒弟教我，不过，我都算系佢门下。我宜家储紧钱，希望可以去日本跟佢。」 电子书 分享网站
技术（4）
「真系难得！你点可以有咁既毅力？你点可以只系见咗一次听咗一次，就知道自己钟情既嘢？你唔会觉得只不过系三分钟热度既咩？要持续一种热情，其实唔易。」贝贝虽然听不是苹果说过奥古的故事，但还是感到不可思议。
奥古只是侧着头，说：「我都唔知点讲，都冇谂过话坚持啲乜，总之，有啲嘢系唔使解释既，老土啲讲就系一见钟情，我信有呢样嘢。」
不是苹果转过头来，插嘴说：「奥古你对尺八就一见钟情，对女仔就百见无情，咁耐都冇见你拍拖。」
奥古尴尬地笑着说：「系啰，系啰，所以话系有就有，系冇就冇。」
「真系可以咁样一往无前？一直无怀疑咁做落去？」贝贝说。
「真系会咁突然？一锺意咗就甩唔到身？自己都冇办法控制？」政也说。
粉面来了，扰嚷了一阵，贝贝叫的云吞面写错单，来了鱼蛋粉，想换，但又肚饿，又怕麻烦，就照样吃了。不是苹果说：「你呢个人，明明系想食云吞面架嘛！拿，我碟云吞捞面俾咗你好唔好？」贝贝却说：「咁你够系想食云吞捞面啦，做乜要俾我？」不是苹果说：「我唔系好紧架咋，我食乜都冇所谓。」政突然就说：「我再叫一碗云吞面俾你。」贝贝有点心烦地说：「唔使啦，咁小事，唔好搞啦，鱼蛋粉咪几好食！」
那边智美正在谈着她打工的事，好像兴致又回来似的：「宜家做promote唔系净系讲有咩优惠架喇，乜都唔使讲，净系凼个客签个名，你话，净系登记者，唔使俾钱，一个月免费试用，唔使讲有乜着数，净系派啲靓女，见后生男人就缠住佢，苦苦哀求咁，话公司要一晚签满几多quota，如果唔够，今晚就白做，好惨，你当系帮下我啦好唔好？咁讲架，真系拉住你只手，系咁嗲你架！好少男仔唔心软！」阿灰吸吮着河粉，口里含糊地说：「真系咁搞？乜宜家的手法咁毒！」不是苹果指着智美，说：「呢，佢咪做紧呢的嘢啰！下次唔好喺街度撞到佢，如果唔系真系唔好彩！」智美拨开不是苹果的手，说：「你估我想既咩！啲女仔个个都用呢的手段，自己唔系咁就听食白果啦！你估好玩咩？我虽然都想识男仔，但系，都唔系咁cheap，锺意随便嗲的陌生人，有时遇着的衰人，都有俾人占便宜。」阿灰放下碗筷，突然后郑重地说：「智美，转过份工啦，唔好做啲咁无聊既嘢！」智美没有回答，低头在吃面，咬了很久面条也没断，在筷子间拉拉扯扯的。智美刚食完一口，抬起头来，阿灰又拿起筷子低头在吃着。不是苹果也没说话，看着他们两个，看见智美抿着嘴，眼湿湿的，但阿灰只是低着头。
不是苹果索性别过脸。在另一边，奥古又在侃侃谈着他的尺八传奇：「我每晚至少练习三个钟，有时隔篱邻舍都会投诉，你知啦，有啲人觉得尺八啲声好恐怖，好阴冷个种，我自己锺意就唔觉。我屋企养咗只狗，每次我一吹尺八，就会一齐喺度叫，好似哀鸣咁个种叫法，呜呜声咁。开头我觉得好搞笑，后来就觉得几讨厌，你知啦，只狗咁搞破坏晒啲气氛，但系宜家又觉得其实好特别，可以话尺八既天然之音连动物都感染到，佢系个知音嚟架！我有谂过同只狗合奏，或者带埋只狗去日本学师，不过唔知师傅接唔接受到。」听奥古这样说，贝贝和政也笑得合不拢嘴，不是苹果就把狗和尺八的故事转告智美和阿灰。两人也忍不住大笑，不是苹果就扮狗叫，尖声地模仿狗音尺八。大家于是就笑得更加不可收拾了。「有时真系觉得，狗好过人，同人讲乜乜物物，可能都会冇同感，冇沟通，反而狗有种直觉，好真诚。」奥古总结说。不是苹果却说：「我同你相反，我最憎狗，见一只杀一只，尤其是嗰的懒可爱既小小狗。」奥古露出惊恐的样子：「咁变态！冇听你讲过既？」txt电子书分享平台
技术（5）
吃到后来，不是苹果拿起啤酒杯来，说：「今日玩得好开心，首歌夹得好好，好耐冇咁玩过，特别系多谢阿灰，我唔叫你师傅喇，帮咗我地好多，下次都唔知大家几时得闲，可以再一齐玩。贝贝结他弹得唔错，其实好有潜质，不过你既志愿系写嘢，我就祝你既第一本书早日出世。奥古就祝你可以去到日本，同埋只狗一齐去。哈，哈！智美，祝你，搵到锺意既人，或者，锺意既人都一样咁锺意你啦。我自己呢，就祝自己，唔，咩好呢？都唔知喇，是但啦。噢，仲有政，祝你，咩好呀，……」她望望政和贝贝两人，就把杯中的啤酒干了。政拿啤酒回敬不是苹果：「你唔祝自己重组自己既乐队？呢个系你既愿望嘛！祝你重组Rejuv吧！」不是苹果拿空杯和他碰了碰，说：「祝我，讲真既时候讲真，讲假既时候讲假啦！系咪咁讲呀灰哥？」阿灰不明所以地笑了一下。贝贝悄悄拿可乐呷了一口，无声的，或者，没有人听到。
双腿交替的上下踢动时，手臂同时在动作与归位之间交替的划动。当一只手臂从你的正前方伸出时，另一只手臂也正完成拨水动作，到达你的大腿侧。当前面的那只手臂进入水里，准备抓水时，你就以缓慢、有节制的方式把气吐进水里。游自由式的时候，脸是浸在水里的，所以，想要在恰当的时机吸气，就得掌控时间和动作节奏。当你完成一个完整的手臂动作时，身体会滚动到一侧，你把那只归位的肩膀抬高，脸稍微向上转到腋下，预备吸气。做这个动作时，只需要露出半张脸到水面外。练习把嘴巴（而不是整个头）稍微抬高吸气。等归位的手臂伸到比较远的地方，再让脸回到水里，这时，归位的那只手才入水；一旦你的脸回到水里，就把空气由鼻子和口呼出去。
Sharron D*ies； Learn Swimming in a Weekend
那已经是十月尾了，是天气已经不太适合游泳，或是不太适合嬉水式的游泳的季节了。这个时候，如果跳到游泳池中而不立即拼命地游，就会很快给秋风吹得浑身发抖了。是个很怪的季节，日间阳光普照的时候还可以穿背心短裙，多走几步也会满头大汗，但空气中就是不经不觉地浮动着隐形的凉意，在出其不意的时候突然袭来，比如站在建筑物的阴影中，或者，在游泳池里。游完泳出来，秋日的阳光和秋风合谋，蒸掉发肤上的水分，留下一种泳池氯气的味道，成了习惯，就会借代成秋日的特有味道。这种味道，一般也不会和人分享，只有自己品尝，所以也往往是一种孤寂的味道。游泳于贝贝来说可算是个最持久的运动。在中学时期结束，排球和跑步也一一放弃之后，游泳就成了贝贝唯一自愿的运动。夏天常常游泳自不待言，深秋甚至冬天也不会完全荒废。中学时候贝贝就常常挂一身铜黑皮肤，大学之后，多少受了女孩子美白文化的影响，就不太敢在烈日下游泳，不是黄昏后才游就是去室内泳池。只有在游池泳里，贝贝才不害怕面对自己的身体，不会为自己较矮小的身材而自惭，不会为展露自己的肌肤而害羞。平时不敢穿背心的贝贝，穿上泳衣时却毫不尴尬，而且往往能在娴熟的泳姿里流露一种连她自己也不自觉的自信。所以那秋日皮肤的气味也是一种自信的味道，好像有金属的强韧感。
不过，这种味道并没有和政分享。那是因为贝贝和政太少肌肤之亲吗？还是因为政的嗅觉太迟钝？还是因为贝贝刻意向政隐藏自己这方面的小小秘密？贝贝自己也无法解释。是甚么促使她接受和政以及不是苹果三个人一起去游泳的事实，她也不清楚